Foto: Ǵylym jáne joǵary bilim mınıstrligi baspasóz bólimi
Jas ǵalymnyń «Aýylsharýashylyǵy daqyldarynyń ónimdiligin arttyrý úshin gýmatquramdas tyńaıtqyshtardy alýdyń tehnologııasyn jasap shyǵarý jobasy» QR Ǵylym jáne joǵary bilim mınıstrliginiń jas ǵalymdardyń 2022-2024 jyldarǵa arnalǵan konkýrsynda joǵary baǵalanyp, grant utyp aldy. Joba jaqsy nátıje kórsetip, óńir sharýalarynyń qyzyǵýshylyǵyn týdyrǵan.
«Elimizde aýyl sharýshylyǵy salasynda topyraqtyń qunarlylyǵyn arttyrý ózekti másele bolyp otyr. Sondyqtan men óz jobamda jınaqtalǵan qaldyqtardyń quramyndaǵy zattardy bólip alyp, qajettilikke jaratýdy qolǵa aldym. Ol úshin Túrkistan oblysynyń Tóle bı aýdanyndaǵy Lenger kómir ken ornynyń qaldyqtary zerttelip, gýmınquramdas qomponentterdiń nátıjesinde gýmınqyshqyldar alyndy. Bul organıkalyq qosylystar organamıneraldy tyńaıtqyshtar úshin taptyrmas shıkizat kózi. Qazir zertteý jumystary oń nátıje berip, ol óndiriske engizildi. Ońtústik óńirdiń sharýalarymen birlesip, tyńaıtqysh synaq retinde qoldanyldy. Nátıjesinde topyraq qunarlylyǵy jaqsaryp, ónimdilik artty», dep atap ótti Baqyt Mátkerimuly.
Qazirgi tańda joba patenttelip, avtorlyq quqyq alyndy. Aldaǵy ýaqytta aýyl sharýashylyǵyna qajetti tyńaıtqyshty óndiriske shyǵarý josparlanyp otyr.
